| 尋日，媽媽生日，一早約定左遲一日先同佢慶祝的，
於是就約左通記食飯，
不過當阿媽知道我連佢生日正日都唔留在家陪佢食飯就好唔鋸咁話：算啦！我都唔care呢d野既，你咪出去囉！
即刻知自己賴左野，但係我又唔想放人飛機，情義兩難全，點算好呢？？ 當下心生一計，先係好狠心地撇下媽媽先，
臨走時見到佢扁嘴中，
跟住泥一個暗渡陳倉，出去說服通記上泥打邊爐加見家長!!
通記當然是俾我殺左個措手不及喇，但係遲早都要見不如忽然間見~
確定左通記上泥後再打番俾阿媽: 喂~我帶埋通記上泥同你打邊爐好唔好呀？
本身佢聽電話時d語氣勁差，一聽到有呢個offer成個態度唔同哂，即刻笑番
於是捉埋通記去加料同買生日蛋糕，
二家姐當然也是十分興奮，佢話要幫大家姐蝦通記wor
上到泥，打完邊爐再食左round生果，再食埋生日蛋糕
飽到顛左:P 送走埋通記，二姐去左沖涼，
得番我同阿媽在廳睇電視，
我：你就開心啦，今日同聽日都有人同你慶祝生日
媽：你早就應該帶佢上泥啦
依家都為時未晚姐~~ 今日：同阿媽慶祝之Round 2
去西貢食lunch加懷疑有得放風箏^^
|
| |
| 終於都figure out到點解近日自己會粗魯左咁多
原來係因工作需要，返工時成日都要對住d病人扮斯文同扮溫柔，
到放左工就好想泥一個大解放!
於是依家唔使返clinic既日子，
返學校既話我會好想一路聽書一路un腳，又或者棟高腳泥聽人講野(跟住搞到俾花花打)
返到屋企我會好想講粗口，至少都要用d好粗鄙既字眼，咆哮，撩家姐打交 想起psycho堂的theory,
平時返工係superego dominant左，
id俾superego壓抑住，
一收工，id就大解放，於是就要做出極盡粗鄙之能事泥平衡返
好make sense丫~平衡到，對我既心理健康都係一件好事呀，
不過阿爸阿媽完全唔明呢個變化，
淨係知道我粗魯左就唔得，
阿爸話：係咪poly D學生係咁咖？！咩學校泥咖？
阿媽話：係咪通記教你咖？！唔俾你同佢交往！
妖，唔好咁幼稚啦，關poly同通記叉事咩，我都費Q事同你拗，癡孖筋 by the way, 講番clinic，
其實學既野分分鐘仲多過平時出placement^^
今日一早跑左兩個treadmill,
下午做ECG，
抽人血，見住紅黑色既venous blood慢慢咁fill滿哂整個針筒，好興奮呀
平時仲有得睇OGD, colonscopy, echo cardiogram，
今日IC話，遲d考完試叫我返星期一上午，仲多野學呢!!yo!!!!!
|
| |
| 唉，做clinic真係得閒到我可以拎哂十隻腳指出泥R
淨係早上跟胃鏡腸鏡先叫充實d
下午.....完全係得閒到嘔白泡
淨係d人泥打疫苗先叫我出泥
於是我一有針打就會好興奮咁捉住個client講好多野
不過依家打針已經打到d人完全唔覺痛了^^ 真係好鬼悶，好期待下個月d豬流苗泥到，
d人可以湧哂入泥打啦
今天同大象食lunch,
條友自從拍左拖之後好似唔同哂咁
成個人生既方向都唔同左，已經疊埋心水嫁人，相夫教子了
雖然我對nursing呢行係有好大憧景喇
但係都不禁有點羨慕呢種''唔使撈''既悠閑
我仲要挨生挨死挨驢仔 back to earth, 就泥十六個月了^^
|
| |
| 好耐都無過過咁人月兩圓既中秋節喇~~~~~~
前晚，
六點幾約左通粉食赤丸
有人食得又貴又唔飽，於是去左百佳買蘿蔔糕同蚵仔煎轉戰沙灘再食過
去到，都唔算好多人，不過有班死細路o係隔離玩波，踢哂d沙落我地d野度，真係想鬧爆佢
玩沙，將蠟燭埋在沙堆中係好靚咖~
仲用膠樽自製左個'燈籠'tim
我都解釋唔到，總之我對住你就好容易喊啦，
簡直係郁d就喊，哈哈好誇張
玩到十一點幾，累極，歸家去~~ 中秋節正日
梗係同屋企人玩啦，今年仲有咖喱哥既加入，
可以係咁寸大家姐而佢又要保持儀態唔會即刻還手!wahahahah
咖喱仲買左幾個好靚既兔仔燈籠，沿途惹來左好多羨慕既目光
by the way, 今日借左四條大路通陰間
好鬼驚呀呀呀呀
我地三個一到d驚嚇位就會一齊嗌出泥，
隔離屋應該會覺得好困擾 熱切期待五條大路通陰間！！！！！ 人有悲歡離合，月有陰晴圓缺，
此事已成全，但願人長久，歲歲共嬋娟
|
| |
| CNS既placement圓滿地出完
尋日同鄺姑娘道別既一刻，忽然覺得好感觸
每日visit開既病人，忽然成為了我生命中的過客，茫茫人海，大概都不會再見了
不過今次真係玩左好多野
每一次洗完wound, 插完foley, 我都會覺得好回味
每次洗wound都會覺得好興奮，越大個wound越興奮
成日一路搭地鐵一路回憶番d片段，下次點可以smooth d
真係好好玩
第日做wound nurse好唔好呢？ 無得出tuns，雖有同肥爺報st. johns ambulance team，不過隻死野咁忙分分鐘飛起我 今天，留在家做做未清的功課債 明天晚上，和通粉到清水灣賞月去 近期的節目都很好玩 |
| |
